Lajmet e trishta nga COVID thuajse kurrë nuk kanë fund madje nuk kursejnë as moshat më të vogla. Ketë herë lajmi vjen nga Saranda.
Mësohet se një fëmijë 5 vjeç ka ndërruar jetë si pasojë e COVID-19.
Sipas raportimeve,i mituri ishte shtruar në spitalin e Sarandës rreth 8 ditë më parë, pas infektimit me koronavirus.
Për shkak të gjendjes së rënduar ai u transportua me helikopter drejt Tiranës dhe nderkohë që gjendja rëndohej akoma më shumë i mituri trasportohet drejt Turqisë, por nuk ka mundur t’i mbijetojë virusit vdekjeprurës.
Në kartelen mjekësore thuhet se fëmija nuk kishte sëmundje të tjera por vuante nga obeziteti dhe peshonte rreth 54kg.
Sipas kreut të pneumologjisë në spitalin e Sarandës, dr. Niko Kuri thotë se fëmija u soll nga prinderit në spital me probleme serioze të frymëmarrjes dhe temperaturë të lartë. Edhe pse menjeheru u dyshua për Covid,atij ju bënë dy teste të njëpasnjëshme të cilat rezultuan negative por ai u konfirmua pozitiv me Covid në QSUT, pas testit PCR.Sipas të dhënave statistikore vdekshmëria nga koronavirusi ka qenë 10 herë më e lartë në vendet ku të paktën 50% e të prekurve janë mbipeshë.Raporti, i cili flet për një lidhje “dramatike” midis niveleve të vdekjes nga COVID-19 dhe mbipeshës, zbulon se 90% ose 2.2 milion nga 2.5 milion vdekjeve gjithsej nga pandemia deri më sot kanë qenë në vendet me nivele të larta mbipeshe.
