Kreu i grupit parlamentar të Partisë Socialiste, Taulant Balla ka dal në një prononcim për mediat ku ka folur për amendamentet e Partisë Demokratike.
Balla është pyetur nga gazetarët në qoftë se ishte i gatshëm që ai dhe familja e tij t’i nënshtroheshin procesit të Vettingu-t, ai nuk ka dhënë një përgjigje të qartë por është përgjigjur vetëm në parim. Ai është shprehur në mënyrë të përgjithshme se ishte i gatshëm për çdo propozim të bërë nga Partia Demokratike, por nga ana tjetër është shprehur se nuk mund të japë një përgjigje pa u njohur më parë me rregulloren.
“Jemi 100 përqind të gatshëm për çdo gjë që propozohet. Do të ishte jo etike të jepja një përgjigje pa u njohur plotësisht me rregulloren. Duhet ta pranoj se është pozitive që kemi opozitë që ka interes të vijë me çështje që ja vlen të përqëndrohemi.
PS ka shprehur që ditën e parë gatishmërinë që të bashkëpunojmë dhe bisedojmë hapur pa kushte. Dua ta them me zë të lartë që Vetingu ka ecur shumë mirë, madje larg pritshmërive tona. Në këtë këndvështrim theksoj që PS nuk do të hyjë në negociata për gjëra teknike.
Politika duhet të rrijë larg nga proçesi i vetingut dhe vetingu në tërësi”, është shprehur kreu i Grupit Parlamentar të PD-së.
