Presidenti Ilir Meta ka reaguar pas vendimit të Gjykatës së Hagës për të lënë në burg përjetë, Radovan Karaxhixhin si përgjegjës për krime lufte në Bosnje Hercegovinë.
Një vendim i tillë sipas tij, është jo vetëm një drejtësi e vonuar, por edhe një dëshmi që duhet bashkëpunim e paqe mes kombeve, vendeve dhe popujve në Ballkan.
“Vendimi i sotëm i Tribunalit të Hagës, që dënoi Radovan Karaxhiçin, është jo vetëm një drejtësi e vonuar, por mbi të gjitha një thirrje që mos të harrojmë urrejtjen etnike e genocidin që buron prej saj dhe një mësim për të punuar pa u lodhur për bashkëjetesën e harmoninë mes popujve, kombeve dhe etnive në Ballkan”– shprehet Meta.
