Ditën e sotme kryeministri i vendit Edi Rama deklaroi se ftesa për bashkëqeverisjen qëndron ende. Menjëherë pas kësaj kreu i PD-së, Lulzim Basha bëri një postim në rrjetet sociale , një pjesë nga fjalimi që mbajti ditën e djeshme në Kuvend.
Në videon që ka publikuar Basha ka theksuar se PD-ja është e vendosur të ecë përpara dhe kjo sipas tij do të bëhet duke mobilizuar gjithë shqiptarët për të shkulur pengesën 8-vjeçare të Ramës dhe qeverisjes së tij.
“Por edhe një herë po të them, bën mirë që i ndiqke ngjarjet brenda familjes tonë politike me kaq kërshëri, mëso, po shikoje deri në fund sepse as ty, askënd tjetër që ka bërë hesap të vendos interesat personale mbi interesat e shqiptarëve, nuk i pret ndonjë fund i ndryshëm nga ai që i rezervon çdo shoqëri dhe çdo komb që ka vendosur të ec përpara.
Dhe po të them, Partia Demokratike ka vendosur të ec përpara dhe të udhëheq përpara shqiptarët drejt ndryshimit që meritojnë. Dhe kjo rrugë mund të bëhet duke mobilizuar të gjitha shqiptarët, që pikë së pari të heqim, shkulim, çmontojmë dhe gërryejmë pengesën tash 8 vjeçare që je ti dhe lemeria jote që e quan qeveri”, tha kreu i Partisë Demokratike, Lulzim Basha.
