Ish-kryeministri Sali Berisha ka nisur foltoren e radhës me demokratët në Kukës, nga ku i ka dërguar edhe një mesazh kryeministrit Edi Rama. Ai i ka kërkuar Ramës që ta ndjekë foltoren dhe nuk e meriton të qeverisë jo 8 vite, po as 8 ditë.
“I falenderoj të gjithë mbështetësit e Kukësit që kanë qëndruar si viganë dhe duan të kthejnë PD si opozitë të pamposhtur të shqiptarëve. Duan ta kthejnë Partinë Demokratike si parti të fitores së sigurt. Në emër tuaj do ti them zografit të Bishës, Edvin, EDVIN, ndiqe këtë foltore se është foltore burrash dhe grash të mira dhe jo punë pengjesh. Sot ne mblidhemi në këtë foltore për të diskutuar së bashku që të rikthejmë PD-së shpirtin e saj të lirisë dhe dinjitetin. Ai ka e shndërruar Shqipërinë në dele të zezë të Europës. Jo 8 vite, po as 8 ditë nuk meriton Edi Rama të qeverisë”, ka thënë Berisha.
Ish-kreu i PD gjithashtu është shprehur se Rama ka vjedhur me qindra milionë dhe nuk e gëzon dot mandatin. Ai ka përmendur edhe çështjen e patronazhistëve dhe ka paralajmëruar se radha do të jetë tashmë para kryeministrisë.
“Edvin ti mendon se do të gëzosh këtë mandat. Dëgjoi pak ato daulle po bien për ty. Mandatin nuk e gëzon ti. Ke vjedhur me qindra milionë. Mandatin nuk e gëzon dot ti se vetëm në zonat e tërmetit ke përdorur para në kontot për të blerë votat. Nuk e gëzon dot ti Edvin. Dhe dëgjoi prapë të them ato daulle. Ke përdorur patronazhistët. Tek Kryeministria e kemi radhën me atë daulle. Po, po!,”-tha Berisha.
