Sekretari i Përgjithshëm i Lëvizjes Socialiste për Integrim, Endrit Braimllari ka reaguar në lidhje me ngjarjen e rëndë që ndodhi ditën e sotme në Ishull Lezhë, ku mbeti i vrarë Saimir Hoxha. Me anë të një postimi në rrjetet sociale Braimllari shkruan se policia nuk ka mbështetje nga shteti. Sipas tij efektivët e ndershëm që duan të ruajnë rendin dhe sigurinë publike dhe të luftojnë aktivitetet kriminale sabotohen për shkak të lidhjeve të qeverisë me krimin.
Reagimi i plotë i Braimllarit:
Ngjarja e rende e ndodhur sot ne Lezhe ku humbi jeten Nenkomisari Saimir Hoxha tregon se ku e ka katandisur Policine e Shtetit, Rilindja.
Sot, Policia e Shtetit eshte me e pamotivuar dhe me e pa mbeshtetur se kurre nga qeveria.
Efektivet e ndershem qe duan te ruajne rendin dhe sigurine publike, te luftojne aktivitetet kriminale sabotohen per shkak te lidhjes se kesaj qeverie me krimin e organizuar.
Pas 100 diteshit te vendosur si ultimatum nga kryeministri Rama per Policine e Shtetit, ku policia duhet te godiste krimin, krimi sot ka guxuar serish duke goditur policine dhe duke shtuar nje tjeter hero ne radhet e saj.
I shpreh ngushellime familjes se Sajmir Hoxhes, te afermeve dhe te gjithe kolegeve te tij!
