Kryeministri Edi Rama ka mbajtur fjalën e tij në Asamblenë e Kombeve të Bashkuara, duke theksuar në veçanti përballjen me pandeminë. Rama ka thënë se Shqipëria pret të vaksinojë gjithë popullsinë në 10 muajt e ardhshëm dhe shtoi se një nga mësimet e kësaj pandemie është se asnjë vend nuk mund të përballet i vetëm. Kjo ishte arsyeja, tha Rama, arsyeja pse dhjetëra mjekë shqiptarë ikën për të ndihmuar në Itali
Është kënaqësi të kthehem fizikisht në këtë sallë paqeje, për të folur për sfidat e përbashkëta, pandeminë, që ka shkaktuar dhimbje të tmerrshme kudo. Edhe Shqipëria ka vuajtur nga kjo plagë. Sot kemi më shumë se gjysmën e popullsisë shqiptare të vaksinuar dhe presim të vaksinojmë të gjithë popullsinë në 10 muajt e ardhshëm. Një nga mësimet e kësaj tragjedie është se asnjë vend nuk mund të përballet i vetëm.
Kjo është arsyeja pse dhjetëra mjekë shqiptarë ikën për të ndihmuar në Itali, dhe më pas patëm fatin të presim mjekët italianë për të na ndihmuar. I detyrohem një falënderim nga zemra atyre që na u gjendën të na ndihmojnë, Turqinë, Komisionin e Bashkimit Evropian, Italinë, Greqinë, Letoninë, Danimarkën, etj. Do jemi në gjendje të triumfojmë vetëm përmes luftës së përbashkët dhe bashkëpunimit të pandërprerë”, u shpreh Rama.
Më tej ai tha se Shqipëria është avokate e bashkëpunimit ndërkombëtar dhe mbështet propozimin për një traktat të ri ndërkombëtar. Kryeministri theskoi urgjencën e shpërndarjes së vaksinave, për të mos kthyer pas atë që është fituar deri tani.
Jemi avokatë të bashkëpunimit ndërkombëtar dhe mbështesim propozimin për një traktat të ri ndërkombëtar. Ne duhet të qëndrojmë bashkë dhe t’i rezistojmë çdo tubimi. Është urgjente të ofrojmë vaksina, sepse të pavaksinuarit mbarin rrezikun dhe mund të kthejnë pas atë që kemi fituar deri tani”, deklaroi Rama.
