Debate të ashpra janë zhvilluar në Konferencën e Kryetarëve pak para nisjes së seancës plenare.
Në këtë konferncë Partia Sociale ka kërkuar që mbledhjet e komisioneve parlamentare të bëhen online ndërsa Partia Demokratike ka kundërshtuar këtë vendim dhe ka kërkuarqë mbledhjet e Komisioneve Parlamentare të bëhen online.
PD ka kundërshtuar me arsyetimin se kjo dëmton transparencën. “Kuvendi ka hapësira për të bërë mbledhje komisionesh normalisht”, është shprehur PD.
Kreu i grupit parlamentar të PD-së, Alfred Rushaj tha se Kushtetuta dhe Rregullorja e Kuvendit e parashikojnë qartë rastet kur mbledhjet e komisioneve mund të bëhen online, dhe në kushtet që flasim ne nuk jemi në gjendje të jashtëzakonshme.
Sipas Rushajt e gjitha kjo bëhet për të asgjesuar parlamentarizmin, dhe shtoi se mbledhjet e komisioneve duhet të bëhen fizikisht, pasi janë arenë debatesh.
Por pavarësisht pretendimeve të opozitës, mazhoranca duhet se do të vendosë me forcën e kartonave që mbledhjet të bëhen online.
“Meqenëse diskutuam për përbërjen e Komisioneve, dua të sjell në vëmendje se në Konferencë e Kryetarëve u mor një vendim antikushtetues, u mor një vendim i pavlefshëm, që kufizon që puna e komisioneve të bëhet online.
Rregullorja është e qartë se kur janë rastet që Komisionet Parlamentare mund të zhvillojnë mbledhjet online, në bazë të nenit 170 të Kushtetutës, të gjitha këto gjendje të masave të jashtëzakonshme shpallen në një mënyrë të caktuar. Ne sot nuk jemi në asnjë nga gjendjet e përmendura për punë të kufizuar të Komisioneve Parlamentare. E vetmja gjë se pse bëhet diçka e tillë është për të asgjesuar parlamentarizmin.
Nëse ju jeni komod për shkeljen e Kushtetutës, ne nuk e pranojmë, ai vendim i paligjshëm duhet të hidhet poshtë dhe të vijojmë në bazë të rregullores dhe Kushtetutës”, u shpreh Rushaj në Kuvend.
Ndërkohë që deputeti Enkelejd Alibeaj tha më tej se një nga kushtet që Komisionet të bëhen fizikisht mund të jetë dhe ai i vaksinimit të detyueshëm, ose paraqitjes së një testi anticovid.
Në përfundim maxhoranca socialiste ka vendosur që mbledhjet të jenë online.
