Ina Nuka, 24-vjeçarja e forcave “Shqiponja”, tashmë është në gjendje më të mirë shëndetësore.
Ajo humbi njërin nga gishtërinjtë nga plasja e një kapsolli në dorë gjatë protestës së banorëve që u prekën nga projekti i “Unazës së Madhe”. Nuka u përpoq ta hiqte nga qafa kapsollin e hedhur nga banorët e Astirit dhe gjatë momentit që po e largonte kapsollin me dorë, ai plasi duke i shkaktuar asaj pasoja.
U bë dy javë që ajo po merr trajtimet e duhura në spital, në Ankara të Turqisë. Ina Nuka ka bërë dy ndërhyrje të cilët kanë rezultuar me sukses dhe tani është në pritje të ndërhyrjes së tretë, javës që vjen.
Sipas burimeve, thuhet se ndërhyrja e tretë do të bëhet për të zëvëndësuar gishtin e madh të dorës.
Deri tani, hetimet janë akoma në process për 18 vjeçarin Daniel Dobraj i cili akuzohet si autor i kësaj plagosje.