Është hedhur ditën e sotme në Turqi shorti fazës së grupeve të Champions League. Goglat kanë siguruar përballje të mëdha që në fillim të kompeticionit dhe nuk kanë munguar as “grupet e ferrit”.
Barcelona-Bayern është ndeshja që do e shohim edhe një herë këtë sezon, teksa grupi E plotësohet nga Benfica dhe Dinamo Kyiv. Manchester City dhe Paris Saint-Germa do të masin forcat, pasi kanë bërë një nga merkatot më active këtë verë. PSG tashmë me Mess-n në ekip, do të kërkojë trofeun e parë europian, ashtu si City që e humbi sezonin e kaluar në finale përballë Chelsea. Këta të fundit gjejnë në grupin Juventusin, Zenit dhe Malmo.
Kampionët e Europa League, Villareal, do të përballen me rivalin e finales së kaluar, Manchester United. Ndërkohë, Inter tashmë i rikthyer në Champions do të përballet me Real Madrid në grupin D.
Garë e fortë pritet në grupin B, ku Atletico, Liverpool, Milan dhe Porto do të sfidojnë njëra-tjetrën për dy vende në fazën tjetër.
Grupet e Champions-League për sezonin 2021-2022:
Grupi A: Manchester City, PSG, Leipzig e Club Brugge
Grupi B: Atletico Madrid, Liverpool, Porto e Milan
Grupi C: Sporting Lisbonë, Dortmund, Ajax e Besiktas
Grupi D: Inter, Real Madrid, Sh.Donetsk e Sh.Tiraspol
Grupi E: Bayern, Barcelona, Benfica e Dinamo Kiev
Grupi F: Villarreal, Man United, Atalanta e Young Boys
Grupi G: Lille, Sevilla, Salzburg e Wolfsburg
Grupi H: Chelsea, Juventus, Zenit e Malmo
