Një ngjarje e rëndë ka ndodhur në Ferizaj të Kosovës, ku dy të rinj kanë dhunuar një 18-vjeçare, deri sa kjo e fundit ka ndërruar jetë. Dy autorët u fiksuan nga kamerat e sigurisë së spitalit , në momentin që ata e nxorën te renë dhe e lanë pa ndjenja jashtë derës së spitalit.
Ditën e sotme avokati i njërit prej autorëve të dyshuar, Avni Hysiqi ka refuzuar ta mbrojë të arrestuarin Arbër Sejdiu, i cili së bashku me Dardan Krivaqën dyshohen si dy autorët për vrasjen që tronditi dje Ferizajn.
Sipas mediave kosovare avokati Hysiqi ëshët shprehur se nuk do ta mbrojë të arrestuarin Arbër Sejdiu.
“Nuk po kam mundësi me u marr me këtë rast. Edhe me konferenca për shtyp e sene. Edhe nuk jam i interesuar me e mbrojtë”, mësohet të jetë shprehur avokati për Gazetën Sinjali.
Më tej avokati mësohet të ketë thënë se ka lajmëruar edhe prokurorinë dhe tashmë janë në dijeni se ai nuk do ta përfaqësoj Arbër Sejdiun. Gjithashtu Hysiqi është shprehur se ky rast është tepër delikat dhe se i arrestuari duhet të gjejë një avokat tjetër për ta mbrojtur.
Kujtojmë se e reja e cila u la e vdekur në spitalin e Ferizajt, është dhunuar për vdekje nga dy të rinjtë. Ajo u la jashtë dyerve të spitalit pa shenja jete ditën e djeshme nga dy të rinjtë të cilët ishin me mjetin tip ‘Audi’ me targa zvicerane.
Prokuroria Themelore në Ferizaj ka nisur hetimin ndaj D.K., për veprën penale “Vrasje e rëndë”, raporton Kosova Press. Po ashtu, është arrestuar shtetasi me iniciale A.S., nën dyshimin se është bashkëpunëtor në vrasje. Trupi i pajetë i të resë ndodhet në në Institutin e Mjekësisë Ligjore, për të bërë ekzaminimet përkatëse dhe për të zbuluar shkaqet e vdekjes.
