Një tjetër shkarkim i rëndësishëm duket se ka ndodhur ditën e sotme dhe këtë herë bëhet fjalë për Drejtorin e Policisë së Tiranës, Kastriot Skënderaj.
Sipas burimeve të Gazetës Mapo, mësohet se ka Skënderaj është njohur me këtë vendim mëngjesin e sotme dhe pak momente më parë është përshëndetur edhe me stafin.
Deri më tani nuk bëhet e ditur asnjë e dhënë se cili do të jetë zëvendësuesi i tij, në rast se lajmi që ka rrjedhur është i vërtetë.
Skënderaj e mban postin e Drejtorit të Policisë së Tiranës që prej muajit shkurt të vitit të kaluar dhe ende nuk ka asnjë të dhënë rreth motivacionit të shkarkimit të tij nga detyra.
Ardi Veliu ditën e sotme ka firmosur dy shkarkime të rëndësishme, ku njëri prej tyre tashmë është vërtetuar dhe bëhet fjalë për drejtuesin e Policisë së Vlorës, Gentjan Shehaj dhe i dyti mesa duket është Kastriot Skënderaj. Megjithatë jemi në pritje të një deklaratë zyrtare nëse kjo është e vërtetë ose jo.
