Një ngjarje tragjike ka ndodhur ditën e sotme, ku një e moshuar i ka dhënë fund jetës mëngjesin e sotëm.
Bëhet fjalë për 64-vjeçaren, Hava Shehun nga fshati Drenovicë në fshatin Kutalli të Urës- Vajgurore. Nëna e 5-fëmijëve është gjetur e varur nga familjarët e saj në kasollen e bagëtive.
Ngjarja është shënuar mesditën e sotme dhe kanë qenë dy djemtë e të ndjerës ata që e kanë gjetur nënën e tyre të varur. 64-vjeçarja është transportuar nga familjarët në Spitalin e Beratit, por më kot pasi mjekët konfirmojnë se gruaja ka mbërritur pa shenja jete.
Sipas Drejtorisë së Policisë së Qarkut Elbasan, mendohet se e moshuara mund të jetë vetvaruar, pasi në trupin e saj nuk ka shenja dhune.
Sipas burimeve të afërta me familjen Shehu,viktima,64-vjeçarja Hava Shehu jetonte në kushte të vështira ekonomike dhe kishte edhe një nga djemtë në burg të akuzuar për “vjedhje”. Sipas të afërmve dhe banorëve të fshatit Drenovicë këto kanë qenë edhe shkaqet që e kanë detyruar nënën e 5-fëmijëve të ndërmarrë këtë akt ekstrem, vetëflijimin.
Njoftimi nga policia:
Sot më datë 08.03.2019 është gjetur e vetvarur në banesë nga familjarët shtetasja H.SH, 64 vjeçe, banuese në fshatin Drenovicë.
Nga kqyrja paraprake nuk janë konstatuar shenja dhune apo dëmtime të tjera nga ndonjë faktor tjetër.
Grupi hetimor po punon për zbardhjen e plotë të ngjarjes.
