Një tjetër automjet është përfshirë nga flakët në qytetin e Vlorës.
Ngjarja ka ndodhur rreth orës 04:25 në lagjen “Pavarësia” , ndërsa mjeti tip ‘Benz’ me targa AA 928 TZ ka qenë i parkuar poshtë një pallati.
Ekipet e zjarrfikëses kanë mbërritur në vendngjarje dhe kanë neutralizuar flakët, pavarësisht se mjeti ishte shkrumbuar pothuajse plotësisht.
Pronari i mjeti është shtetasi Luan Beqiri, jurist në Aluizëm, por mësohet se makina përdorej nga bashkëshortja e tij M.Beqiri, punonjëse në Task-Forcën e Tatim-Taksave.
Luan Beqiri ka thënë në polici se nuk ka konflikte me njeri. Grupi hetimor po punon për zbardhjen e plotë të ngjarjes.
Nuk dihen ende shkaqet dhe motivet e ngjarjes, por paraprakisht dyshohet se zjarrvënia ka qenë e qëllimshme.
