Një rikthim i shumëpritur për tifozët e Realit të Madridid mund të ndodh këtë verë. Gazeta madrilene AS është e sigurt se Cristiano Ronaldo dëshiron të largohet nga Juventus dhe edhe pse PSG është në horizont, një rikthim në “Santiago Bernabeu” është shumë i mundur.
Ky është sezoni i fundit i kontratës së tij me “Zonjën e Vjetër” dhe nënpresidenti Pavel Nedved siguroi që ai do të qëndrojë për sezonin 2021-22.
Sidoqoftë, gazetat italiane, franceze dhe spanjolle vazhdojnë të thonë se Ronaldo beson se koha e tij në Torino ka mbaruar dhe ai po kërkon një dalje. Me Manchester Unitedin në dukje të përjashtuar, Paris Saint-Germain ishte përmendur si opsioni më i mundshëm. Diçka e tillë ishte një mundësi nëse PSG shiste Kylian Mbappete Reali, por AS shkruan se nëse “Los Blancos” nuk e përballojnë dot çmimin e francezit, Ronaldo është një alternativë për sulmin e tyre.
Fillimisht CR7 nuk e kishte konsideruar rikthimin në Bernabeu, po situate ka ndryshuar me rikthimin në pankinë të Carlo Ancelotti-t, me të cilin sulmuesi 36-vjeçar ka një raport të fortë.
Edhe në një moshë të tillë, Ronaldo ka qenë në “top form” duke shënuar 36 gola në 44 ndeshje për Juventusin sezonin e kaluar, duke marrë titullin e golashënuesit më të mirë me 29 gola në 33 ndeshje të Serie A, për të mos përmendur se ishte golashënuesi më i mirë në UEFA EURO 2020.
Ronaldo kaloi nëntë vjet në Real Madrid deri në kalimin e tij në vitin 2018 në Juventus për 117 milionë euro.
