Kreu i Partisë Demokratike, Lulzim Basha e ka theksuar edhe një herë se 25 prilli ishte një masakër zgjedhore. Ai thotë se këtë e ka konfirmuar edhe OSBE/ODIHR, teksa ka publikuar një video në rrjetet sociale, ku përmblidhen kryesore të raportit të tyre final për zgjedhjet e fundit parlamentare.
Basha thotë se Partia Demokratike ka depozituar 185 padi penale në SPAK dhe në prokuroritë e rretheve për kirme zgjedhore. Më tej ai shton se PD pret drejtësi, sepse shqiptarët meritojnë zgjedhje të lira dhe të ndershme.
Basha shprehet se pa u ndëshkuar autorët e kësaj masakre, nuk do të ketë pushtet të njerëzve për njerëzit, po sundimin e një pakice të korruptuar që vetëm po varfëron dhe shpopullon Shqipërinë.
“25 prilli ishte një masakër zgjedhore! Këtë e dinë të gjithë shqiptarët, këtë e konfirmon edhe OSBE/ODIHR. Partia Demokratike ka depozituar 185 padi penale në SPAK dhe në prokuroritë e rretheve për krimet zgjedhore. Ne presim drejtësi, sepse shqiptarët meritojnë zgjedhje të lira dhe të ndershme. Pa u ndëshkuar autorët e kësaj masakre, pa u kthyer legjitimiteti në vend, nuk do të kemi një pushtet të njerëzve për njerëzit, por sundimin e një pakice të korruptuar që varfëron dhe shpopullon Shqipërinë”, shkruan kreu i PD.
