UEFA ka ftuar Christian Eriksen dhe mjekët që ndihmuan në shpëtimin e jetës së tij gjatë një arresti kardiak në fushë për të marrë pjesë në finalen e Euro 2020 në Wembley të dielën. Eriksen u shemb në fushë në Parken Stadium në Kopenhagen në pjesën e parë të ndeshjes së Danimarkës kundër Finlandës më 12 qershor. CPR u administrua dhe Zemra e tij rifilloi punën me një defibrillator ndërsa lojtarët u bën mur rreth shokut të skuadrës që mediat të mos bënin foto.
UEFA tha se Eriksen, gruaja e tij dhe gjashtë mjekë ishin të ftuar në finale, por nuk kishte asnjë konfirmim nëse mesfushori i Inter do të merrte pjesë. Një nga ndihmësmjekët, Peder Ersgaard, tha se ishte i nderuar që mori një ftesë VIP nga shefi i UEFA-s Aleksander Ceferin.
“Unë jam i ngazëllyer, si një fëmijë në prag të Krishtlindjes. Unë jam shumë krenar për përpjekjet e mia, por edhe për të gjithë ekipin. Nuk ishte një përpjekje e një njeriu. Shpresoj të shoh Danimarkën kundër Italisë. Kjo do të ishte me të vërtetë e madhe. Thjesht imagjinoni nëse ata bëhen kampionë të Evropës”, i tha ai revistës Fagbladet FOA.
Kapiteni i Anglisë, Harry Kane tha se shpreson të shohë ish-shokun e tij të skuadrës së Tottenham Hotspur në Ëembley, mundësisht nëse Tre Luanët po fitojnë trofeun.
Danimarka do të luajë sot në mbrëmje gjysmëfinalen përballë Anglisë në Wembley dhe cilindo nga ekipet që kualifikohet i pret Italia në ndeshjen finale.
