Kolegji Zgjedhor nuk ka pranuar kërkesën e LSI dhe PD për shpalljen e zgjedhjeve të pavlefshme në qarklun e Vlorës. Para kësaj u rrëzua edhe kërkesa e PD për prova shtesë për parregullsitë në zgjedhje po në këtë qark.
Kujtojmë se Kolegji Zgjedhor mori të njëjtin vendim për Gjirokastrën ditën e djeshme, ku nuk pranoi kërkesën e PD dhe LSI për t’i shpallur zgjedhejt të pavlefshme.
LSI dhe PD kanë ankimuar në Kolegjin Zgjedhor zgjedhjet në 9 qarqe dhe kanë kërkuar prova shtesë për shpalljen e zgjedhjeve të pavlefshme në këto qarqe. Deri tani KAS nuk ka pranuar asnjë nga kërkesat dhe nuk ka shpallur zgjedhje të pavlefshme në asnjë qark të vendit.
Ndërkohë, përfaqësuesi i LSI, Altin Kaziaj tha para vendimit se ka pasur urdhër abuziv për të goditur opozitën dhe kërkoi që të pranohej kërkesë padia pasi janë vënë provat në dispozicion.
“Nga dokumentet shtetërore të nxjerra nga KQZ, del se si disa shtetas kishin ardhur në periudhë ndalimi të pandemisë dhe kishin detyra zgjedhore, ky orientim politik është bërë për të goditur opozitën , që shqiptarët jashtë mos të japin votën e tyre.Ku urdhër ka dalë në mënyrë abuzive për të goditur opozitën , prandaj kërkojmë shpalljen e pavlefshme të këtyre zgjedhjeve, KAS vendosi politikisht.Ne i kemi vënë provat në dispozicion, duam ta pranoni kërkesë padinë”, tha Kaziaj.
