Gramoz Ruçi dhe Kujtim Gjuzi u përfshinë në një debat në seancën e sotme parlamentare. Ishte Ruçi ai që për një moment e humbi toruan, duke i thënë Gjuzit: “Mos më bëj si cub mua, dhe një muaj ke në kuvend, nuk mësove asgjë…” Ndërsa Gjuzi, ironizoi, duke thënë se Partia Socialiste i vodhi zgjedhjet, si dhe e konsideroi këtë Parti si të trashëguar nga diktatori.
Pjesë nga debati mes Gjuzit dhe Ruçit:
Kujtim Gjuzi: “Mos mendoni se ne erdhëm këtu për të ikur me zgjedhjet që ju i vodhët. Unë nuk e thirra Berishën të vijë në interpelancë. Rama ka 6 muaj që nuk ka ardhur në kuvend dhe nëse nuk vjen në kuvend duhet të lërë mandatin. Jam kryetar i një partie të ngritur nga hiçi dhe jo një partie që ju keni trashëguar nga diktatori”.
Gramoz Ruçi: “Sa të rrosh, do mësosh. Dhe një muaj e ke dhe mesa duket, nuk ke për të mësuar rregullat e një kuvendi në një sistem demokratik. Më mirë e asaj partie që the ti, se sa i një partie… o Kujtim… ulu, uluu, ulu! Mos më bëj si cub mua, se kur të shoh se ç’më dukesh, por kur të njoh… thotë populli”.
