Kandidatja e Partisë Demokratike për Kavajën, Grida Duma ka uruar besimtarët myslimanë për Fitër Bajramin nga ky qytet. Duma ka takuar të rinj të këtij qyteti dhe besimtarë e gjithahstu Myftiun e Kavajës që e ka falenderuar për fushatën pa asnjë sharje.
Jam këtu me vajzat dhe djemtë që janë mrekullia e trashëgimisë në të ardhmen. Ishim në një takim te xhamia në Kavajë dhe qëndruam sepse këtë do bëjmë gjithmonë kur duam të diskutojmë. Duhet të jemi të vërtetë me brezin që do të sigurojë të ardhmen e Shqipërisë. Po diskutonim a mund të bësh mirë për të tjerët duke mos pasur ambicie për vete.
Përmes ambicies për vete duhet të ndërtosh të mirën e të tjerëve duke hequr dorë nga hipokrizia që nuk dua gjë unë i dua për të tjerët. Myftiu i Kavajës më falënderoi për fushatën e mirë dhe të bukur pa asnjë sharje”, ka thënë kandidatja e PD.
Duma ka thënë ndër të tjera, se nëse mbushen xhamitë, do të zbrazen gjykatat e policia. Ajo ka thënë që vendi duhet t’u trashëgohet njerëzve të mirë për të vazhduar përpara.
“Ju them me bindje që siç ndihet festa e bajramit në Kavajë, është e rrallë, kur ndien që jeton në një komunitet njerëzish besimtar. Nëse xhamitë mbushen, gjykatat dhe polica do të jetë me e zbrazët.
Qoftë e pranuar agjërimi, e qofshim njerëz që drejtohemi nga e mira. Të dimë diçka të madhe, t’ia trashëgojmë këtë vend njerëzve të mirë, e të rinjve, për të vazhduar përpara, e jo të ngecim, vazhdojmë e ngecim sërish”, tha ndër të tjera Grida Duma.
