Teksa muaji i Ramazanit është duke shkuar drejt përfundimit, Komuniteti Mysliman i Shqipërisë ka dalë me një njoftim për faljen e ditës së shenjtë të Fitër Bajramit këtë të enjte. Në një njoftim të tyre thuhet se falja do të ëhet në Sheshin “Skënderbej” në Tiranë në orën 06:10 të mëngjesit. Programi do të fillojë që në orën 05:40 dhe do të mbarojë në 06:20.
Hapjen e programit do ta bëjë moderatori Ejup Lila dhe më pas do të vazhdohet me leximin e Kur’anit nga Imami i Xhamisë së Et’hem Beut, Elton Karaj. Në faljen e Namazit do të prijë kryetari i Komunitetit Mysliman të Shqipërisë, Bujar Spahiu. Po ashtu do të mbajë një ligjëratë edhe Nënkryetari i KMSh-së, Taulant Bica.
NJOFTIM
Komuniteti Mysliman i Shqipërisë njofton të gjithë besimtarët se Fitër Bajrami do të falet ditën e enjte në orën 06:10 në Sheshin “Skënderbej”, Tiranë.
Programi fillon në orën 05:40 dhe mbaron në orën 06:20.
PROGRAMI I FITËR BAJRAMIT
Data:13.05.2021
Dita:E enjte
Ora:05:40-06:20
Vendi:Sheshi “Skënderbej”,Tiranë
Fillimi:05:40,Moderatori Ejup Lila
Lexim Kur’ani: 05:45, Imami i Xhamisë së Et’hem Beut, Elton Karaj
Fjala përshëndetëse: 05:55, Kryetari i KMSh-së, H. Bujar Spahiu
Ligjëratë: 06:00, Nënkryetari i KMSh-së, Taulant Bica
Falja e Namazit: 06:10, Kryetari i KMSh-së prin në namaz
Hytbeja: 06:15 Myftiu i Tiranës, Lauren Luli
