Kandidati i Partisë Demokratike për Korçën, Ervin Salianji ka thënë se Rama është duke e kërkuar koalicionin me PD-në për të zhvendosur vëmendjen nga shitblerja e votave. Ai tha në emisionin “Kjo javë” se PD është në një koalicion me LSI-në dhe sapo të përfundojë procesi dhe certifikimi i zgjedhjeve, do të vazhdojnë të inegociojnë gjithçka tjetër. Salianji u shpreh se shumë njerëz mund të prisnin performancë të mirë, por fokusi është te zgjedhjet dhe te kontestimi. Ai tha se beteja e PD-së ka qenë për Shqipërinë e për zgjedhje të lira e të ndershme.
“Edi Rama s’mund të vendos për PD. E kërkon për të zhvendosur vëmendje, për të bërë zhurmë në PD, për të hequr vëmendje nga shitblerja e votave. PD vjen në krye të funksionit të vet, dhe jo si të duket që ky tipi kontrollon dhe opozitën. Ne jemi në një koalicion me LSI.
Sapo të përfundoje procesi dhe certifikimi i zgjedhjeve, ne vazhdojmë dhe rinegociojmë gjithçka tjetër. Jemi në koalicion me ato parti që bëmë. S’mund të kalojmë hapa dhe të flasë cilido pa marrë vendimmarrjen e strukturave. Shumë mund të prisnin performancë të mirë, por fokusi është tek zgjedhjet, tek kontestimi. Beteja e PD ka për të qene për fat të keq për Shqipërinë, betejë për zgjedhje të lira dhe të ndershme”, tha Salianji.
