Ish-presidenti Bamir Topi ka folur rreth situatës që është krijuar në Partinë Demokratike pas humbjes në zgjedhje, ku janë krujuar dy kampe; një në mbështetje të Bashës dhe një kundër tij. Në emisionin “Kjo Javë” në News 24, Topi tha se Basha përfaqëson vetëm shenjën e dhimbjes në organizmin e sëmurë, ndërsa vatra është Berisha. Topi u shpreh se Berisha e di më mirë se kushdo tjetër sepse e ka ndërtuar vetë atë klimë dhe e di që nuk mjafton të jesh i gëzuar që të kesh qeverinë.
“Unë do të kërkoj në një farë mënyrë që të përdor një metaforë nga fusha e mjekësisë. Bëhet fjalë për një organizëm të sëmurë, zoti Basha përfaqëson shenjën e dhimbjes, ndërsa vatra e dhimbjes është diku tjetër. Kam parë te PD, tek njerëzit që kanë dalë pas humbjes, që janë grupuar në dy drejtime, nga njëra anë për të rrëzuar Bashën. dhe e dyta; nxitimi i një pjesë për të mbrojtur apriori Bashën. Të dy palët, qoftë ata që janë përjashtuar në 20017, qoftë ata që s’janë pjesë e listës tani, kanë mungesë sinqeritet, hipokrizi, shkojnë e hedhin shigjetat diku tjetër. Vatra është Berisha. Do ishte gabim nga unë nëse do rrëshqisja në planin personal. Vetë zoti Berisha e di, se di kush më mirë se ai. E di sepse është një njeri që e ka ndërtuar vetë atë klimë. E di fare mirë se nuk mjafton që të jesh i gëzuar që të kesh qeverinë. Në rast se sot do të them se cilat janë institucionet me më rëndësi në Shqipëri? Është kryeministri dhe kryetari i opozitës. Janë gati ekuivalent në fuqinë politike. Ndaj kjo është arsyeja e betejës së madhe për ruajtjen e pozitës së kreut të opozitës”, ka thënë Topi.
