Kreu i Partisë Demokristiane, Nard Ndoka ka dhënë dorëheqjen nga drejtimi i partisë së tij pasi nuk arriti të siguornte asnjë mandat në parlament me votat e marra në zgjedhjet e 25 prillit. I ftuar në emisionin “Top Talk” në Top Channel, Ndoka tha se e konsideron misionin të mbyllur, pasi i besoi verbërisht Bashës. Ndoka tha se edhe nëse opozita do të ishte fituese, ai sërish do të dorëhiqej.
“Unë e konsideroj mision të mbyllur, pasi i besova verbërisht Bashës. Edhe nëse opozita do të ishte fituese, prapë do ta bëja. Në shtator-tetor do mblidhet kongresi dhe do të zgjidhet kryetari i ri”, u shpreh ish-deputeti.
Më tej ai foli edhe për koalicionin me PD-në në zgjedhjet e 25 prillit. Për të, t’i besonte Bashës është e pafalshme.
“I besova të ardhmen e PDK-së Bashës dhe kjo është e pafalshme për mua. Faji është imi, sepse i besova verbërisht Lulzim Bashës“, tha Ndoka.
Madje ai shkoi edhe më tej kur tha se nëse do mund të kthente kohën pas nuk do t’i besonte sërish Ramës, duke e konsideruar sërish të pafalshëm një veprijm të tillë.
“Jo, nuk do ta bëja, nuk do t’i besoja, do të ishte e pafalshme“, ka thënë Nard Ndoka.
