Kryetari i Partisë Demokratike, Lulzim Basha pas një takimi të zhvilluar në qytetin e Elbasanit është nisur drejt qytetit të Durrësit, ku ka parë nga afër procesin e votimit. Në fjalën e tij Basha iu ka bërë thirrje të gjithë qytetarëve durrsak që të marrin pjesë në votime, pasi sipas tij, procesi zgjedhor është procesi i shqiptarëve. Ai ka shtuar se dielli po shkëlqen ditën e sotme dhe kjo është diçka pozitive, Basha iu ka bërë thirrje të gjithë atyre që kanë votuar që të marrin edhe familjen dhe të shkojnë sa m,ë parë drejt kutive të votimit, pasi ky është momenti për të vendosur ndryshimin.
“Përshëndetje të gjithë durrsakëve, që kanë dalë e kanë votuar deri tani. Ju them, shkoni e trokisni në dyert e atyre që nuk kanë votuar, merrini e çojini te qendrat e votimit. kjo është dita juaj. Dielli po shkëlqen, mos mbetet askush pa votuar. Të gjithë drejt kutive të votimit. Askush mos të qëndrojë në shtëpi. Kush ka votuar, të marrë familjen, miqtë, shokët, e të votojnë. Procesi zgjedhor është procesi i shqiptarëve. Kush ka nevojë për asistencë, të dashur qytetarë të Durrësit ndihmojini, çojini drejt kutive të votimit. Kjo është dita e shqiptarëve, kjo është dita e qytetarëve”, tha kreu i partisë demokratike Lulzim Basha.
