Pasi u bë publik skandali i të dhënave të votuesve që Partia Socialiste zotëronte, SPAK tentoi sekuestrimin e kompjuterve dhe serverit te portalit Lapsi. Transparancy International kërkoi llogari nëse PS është e përfshirë në këtë vendim të SPAK. Gjykata e Stasburgut ka vendosur masë sigurie, për të ndaluar sekuestrimin e materialeve të Lapsit.
Gazeta Reforma është interesuar dhe ka mësuar se nga ana e SPAK, nuk ka ende asnjë zhvillim, pasi po presin vendimin e zbardhur që më pas të vendosin se çfarë do të bëhet me vijimin e hetimeve.
Në njoftimin e Gjykatës Europiane të të Drejtave të Njeriut e cila u njoh me vendimin e ndërmjetëm të Gjykatës shqiptare Kundër Korrupsionit dhe Krimit të Organizuar për të sekuestruar pajisjet e punës dhe kompjuterat me të dhënat elektronike të gazetarëve:
Autoritetet duhet të ndalojnë zbatimin e vendimit të ndërmjetëm të Gjykatës së Shkallës së Parë të Specializuar Kundër Korrupsionit dhe Krimit të Organizuar nr. 131 të 18 prillit 2021 dhe të ndalojnë sekuestrimin e çdo pajisjeje për ruajtjen e të dhënave dhe të dhënave kompjuterike / elektronike që u përkasin gazetarëve”.
“Ky është një Vendim i qarte dhe nuk le vend per interpretim. Gjykata Europiane e te Drejtave te Njeriut sipas Rregullit 39 te Rregullores se Gjykates, mund te vendose ne raste shume te rralla masa te ndermjetme per çdo vend anetar (si Shqiperia) te Konventes Europiane te Drejtat e Njeriut. Keto masa te ndermjetme jane masa me karakter urgjent te cilat sipas nje praktike te konsoliduar te kesaj Gjykate aplikohen vetem kur ka rrezik imediat dhe dem te pariparueshem per palen ankuese. Ky eshte nje nga ato raste te rralla qe eshte konstatuar per aplikim nga ky vendim i Strasburgut cili detyron Shtetin Shqiptar qe te ndaloje ekzekutimin vendimit te Spak te dt 18 prill dhe te heq dore nga sekuestrimi i serveri dhe pajisjeve qe jane ne pronesi te ankimuesve” komentoi për Lapsi një juriste e njohur.
