Një aksident i frikshëm ka ndodhur orët e para të mëngjesit në qendër të Tiranës, mësohet se katër persona kanë mbetur të lënduar. Sipas njoftimit të policisë në aksident janë përfshirë autobusi dhe një makinë tjetër. Nga fotot e marra autobusi është përplasur edhe me godinën e Ministrisë së Transportit. Pasagjerët që mbetën të plagosur nga përplasja e fortë janë dërguar në spital dhe mësohet se janë në gjendje të qëndrueshme.
Grupi hetimor ndodhet në vendngjarje dhe po punon për zbardhjen e rrethanave të aksidentit. Nuk dihen shkaqet por dyshohet se si pasojë e shpejtësisë dhe lagështirës, ka qenë shkaku që ka sjellë edhe aksidentin. Autoritet kanë bërë të mundur pastrimin dhe largimin e mjetit nga vendi i ngjarjes. Nuk ka informacione se çfarë ka ndodhur me dy drejtuesit e mjeteve. Mësohet se drejtuesi i autobusit ka deklaruar se i është bllokuar sistemi i drejtimit dhe si pasojë ka humbur kontrollin, duke shkaktuar edhe aksidentin.
Njoftimi i policisë
Në Qendër, janë përfshirë në një aksident një mjet autobus me një mjet tjetër. Si pasojë e aksidentit janë lënduar lehtë 4 pasagjerë të mjetit autobus të cilët u dërguan në spital, për kontroll mjekësor.
Grupi hetimor ndodhet në vendngjarje dhe po punon për zbardhjen e rrethanave të aksidentit.
