Kryeministri i Shqipërisë, Edi Rama me anë të një postimi në rrjetet sociale, ka informuar se ditën e sotme do të zbresin në Rinas edhe 208 mijë vaksina të tjera. Rama ka shkruar se pas pak orësh do të vijnë një sasi tjetër vaksinash, por nuk ka dhënë informacione të mëtejshme se cilës kompani i përkasin. “208 mijë vaksina të tjera zbresin pas pak oprësh në Rinas” , ka shkruar kryeministri i vendit Edi Rama.
Kujtojmë se më herët gjatë ditës së sotme edhe ministrja e Shëndetësisë, Ogerta Manastirliu ka informuar se ditën e sotme dhe nesër do të vinë disa doza vaksinash nga kompania Pfizer por edhe Sinovac. Ndër të tjera ministrja ka folur edhe për faktin se kur mund të arrij imunizimi i popullatës dhe ajo është shprehur se plani ambicioz i vaksinimit masiv, synon që të arrihet deri në pranverën e vitit tjetër që të ketë vaksinuar të gjithë qytetarët.
E pyetur se sa vaksina do të vinë ende në vendin tonë, ajo ka thënë se sot vinë 8100Pfizer dhe 500 mijë Sinovac.
“Marrëveshja e covax ka disa pika ku ne blejmë vaksina të ndryshme. Sot do të vijojnë vaksina Pfizer 8100 të tilla, nga kontrata 500 mijë dhe gjithashtu dhe të tjera të Sinovac.”, përfundoi Manastirliu.
