Kreu i Partisë Demokratike, Lulzim Basha ka vazhduar takimet e tij elektorale pas turit që ndërmorri ditën e djeshme nga jugu në veri të vendit, duke vizituar 9 qytete të ndryshme, si simbol i numrit që PD mban në fletën e votimit. Basha ishte sot në Pukë, ku deklaroi se do e çlirojë këtë qytet nga kriminelët. Kreu demokrat tha se qeveria iu ka vënë njerëze në fyt lakun e varfërisë. Ai gjithashtu iu bëri thirrje njerëzve që të dalin masivisht në votime në 25 prill e të mos lejojnë vjedhjen e zgjedhjeve.
“Mirë se iu gjej zonja dhe zotërinj pukjanë. Mirë se iu gjej në Pukën e traditës dhe fisnikërisë, në Pukën e ndryshimit të pandalshëm, që po vjen. Entuziazmi i njerëzve ndihet kudo. Nuri i ndryshimit është në fytyrat e njerëzve. Pukjanët do të votojnë për ndryshimin, do votojnë numrin 9, që t’ja çelin derën ndryshimit, për një Pukë ndryshe.
Këto zgjedhje janë për popullin dhe familjet tuaja. Qeveria iu ka vënë njerëzve në fyt lakun e varfërisë. Do çlirojmë Pukën nga kriminelët. Vëmendja do jetë tek një ekonomi e çliruar nga terrori shtetëror. Shkoni masivisht në zgjedhje. Mos lejoni vjedhjen e zgjedhjeve. Votoni për ndryshim, për numrin 9. Qeveria e ardhshme do të punojë për njerëzit”, tha Basha.
https://www.facebook.com/lulzimbasha.al/videos/2844211069172850/
