“Arrest me burg”, kjo është masa që gjykata e Shkallës së Parë Shkodër ka vendosur për policin nga Malësia e Madhe të akuzuar për ngacmimin seksual të një 15-vjeçareje.
Berhan Bajrakurtaj i mbrojtur nga avokati Xhelal Kraja do të qëndrojë në burg për 30 ditë të tjera.
Gjyqtarja e çështjes Irida Kacerja, duke aprovuar kështu kërkesën e prokurorit Vat Staka në një seancë me dyer të mbyllura dha këtë vendim.
Avokati i Bajrakurtaj kërkoi të cilësohet ndalimi i paligjshëm dhe lirimin për shkak se sipas tij s’ka vepër penale.
“Nuk kam ngacmuar asnjë të mitur. Kam qenë në shtëpinë time. Nuk e di se si ka dalë video. Para pak kohësh e kam çuar celularin në servis dhe më pas e kam pasur me kod. Unë nuk di ta përdor mirë celularin. Nuk kam ngacmuar asnjë person dhe s’e kam idenë si është shpërndarë video”-mësohet të ketë thënë polici.
