Policia e Lushnjës është vënë në kërkim të një personi që ka qëlluar me armë zjarri në ajër. Ngjarja mësohet se ka ndodhur gjatë mbrëmjes rreth orës 18:50 në fshatin Ferras të Divjakës dhe një person ende i paidentifikuar ka qëlluar një herë me armë zjarri në ajër. Policia njofton se po punon për zbardhjen e plotë të ngjarjes dhe është duke bërë kërkime në zonë për kapjen e personit që dyshohet se ka qëlluar me armë zjarri
Njoftimi i plotë i policisë së shtetit:
Policia Divjakë/ Informacion paraprak
Sot rreth orës 18:50, në fshatin Ferras, Divjakë, dyshohet se një person ende i paidentifikuar ka qëlluar njëherë në ajër me armë zjarri.
Në vendngjarje ndodhet grupi hetimor dhe po punon për zbardhjen e plotë të kësaj ngjarje. Shërbimet e Policisë po krehin zonën me qëllim kapjen e personit që dyshohet se ka qëlluar me armë zjarri.
Kujtojmë se javët e fundit në vendin tonë ka pasur raste të shumta të të shtënave dhe plagosjeve me armë zjarri. Në Shkodër u plagosën pak kohë më parë vëllezërit Marjan dhe Hot Doçaj e vetëm disa ditë më vonë u plagos në lokalin ku punonte i riu Mikel Fusha. Personat e plagosur fatmirësisht ishin jashtë rrezikut për jetën, ndërsa ngjarjet dyshohet se ndodhën për konflikte të çastit.
