Kryeministri Edi Rama ka vizituar sot Kukësin, ku ka prezantuar edhe kandidatët për deputetë të PS në këtë qark.
Një nga prurjet e reja, është aktori i njohur Petrit Malaj, gjithashtu rektor i Akademisë së Arteve.
Malaj është prurja më e re e Ramës pas Luljeta Bozos, Najada Çomos e plotë emrave të tjerë të njohur për shqiptarët, por pa eksperienca të shkuara politike.
Reagimi i Petrit Malaj:
“Kam besim të plotë që ju zoti kryeministër sikurse e kemi biseduar dhe bashkë në atë kthim të vështrimit që keni bërë për rilindjen shqiptare besoj shumë se së bashku mund të bëjmë shumë më tepër për këtë vend. Këto fjalë më kanë bërë të ndihem mirë dhe në vendin tim në Tropojë. Ishit ju që më nxitët dhe ju përgjigja pozitivisht kësaj ftese sepse së bashku mund të bëjmë shumë. Së bashku mendoj se do të arrijmë atë rezultat që ne presim. Unë i kam hyrë kësaj gare vetëm për të marrë përgjegjësi. Nuk ju quaj vetëm një njeri i fjalëve, pavarësisht se ju dhe fjalën e artikuloni shumë bukur, mbi të gjitha jeni njeri i punëve”
Reagimi i kryeministrit Rama:
“Jam unë mirënjohës dhe nuk është për patetizëm, kjo është e vërteta. Nuk do të kisha shqetësuar me këtë ftesë sepse ti je një gur i rëndë në vendin e vet, prej vitesh tashmë në Akademinë e Arteve, i respektuar, i votuar, i votuar për të drjeëtuar aty, por ka qenë insistimi i miqve në Tropojë që donin patjetër që Petreit Malaj të ishte mundësia e tropojanëve për të zgjedhur këtë herë që më ka shtyrë të shqetësoj. Biseda nuk ka qenë e lehtë. Më ke kërkuar të dije në avancë se çfarë do sillte për komunitetin atje”
