28 Nëntori/ Vuçiç “kërcënon” me luftë, tanket serbe parakalojnë pranë territorit të Kosovës!

Google+ Pinterest LinkedIn Tumblr +

Presidenti i Serbisë, Aleksandër Vuçiç, ka marrë pjesë ditën e sotme në ceremoninë dhe paradën e tankeve T-72MS të dhururara nga Federata ruse në Kazermën “Mija Stanimirović” në Nish.

Mediat serbe propaganduese, I kanë bërë jehonë ceremonisë së prezantimit të automjeteve të blinduara dhe pajisjeve ushtarake që Rusia i dhuroi Serbisë.

Duket sikur është përzgjedhur me qëllim kjo datë për të bërë këtë paradë dhe për t’i bërë karshillëk Kosovës, pasi sot është edhe Dita e Pavarësisë dhe e Flamurit në Shqipëiri.

Në këtë shfaqje janë zbuluar 11 tanke T-72MS dhe 10 automjete të blinduara BRDM-2, të cilat kanë parakaluar shumë pak kilometra në afërsi të territorit të Republikës së Kosovës.

Ceremonia është kryesuar nga zëvendës Kryeministri i Qeverisë së Serbisë dhe Ministri i Mbrojtjes, Dr. Nebojsa Stefanovic dhe Shefi i Shtabit të Përgjithshëm të Ushtrisë Serbe, Gjeneral Milan Mojsilovic.

Kujtojmë se vetëm pak ditë më pare, presidenti serb “kërcënoi” se nëse ndasitë me Kosovën nuk do të zgjidhen me dialog dhe kompromis, atëherë dy fqinjët i pret një konflikt i mundshëm, si ai për autonominë e Nagorno-Karabakut, konfliktit midis Armenisë dhe Azerbajxhanit./GazetaReforma.com/

Shpërndaje
Share.

Komento