11 emigrantë të paligjshëm janë arratisur mbrëmjen e djeshme nga Qendra e Pritjes në Karreç, Durrës.
Pas ngjarjes, Agjencia e Mbikëqyrjes Policore (AMP) ka nisur hetimet për zbardhjen e rrethanave dhe ka marrë në pyetje efektivët që ishin në shërbim në momentin e arratisjes.
Qendra e mbyllur në Karreç është një strukturë në varësi të Drejtorisë së Migracionit, pjesë e Departamentit për Kufirin dhe Migracionin, nën Drejtorinë e Përgjithshme të Policisë së Shtetit.
Hetimet po vijojnë për të përcaktuar përgjegjësitë dhe për të vlerësuar masat e sigurisë në qendër.
