Zvicra heq Kosovën nga lista e vendeve me rrezik koronavirusin, ja kur fillon zbatimi i këtij ligji

Google+ Pinterest LinkedIn Tumblr +

Nga data 28 shtator, Zvicra do të heqë Kosovën nga lista e shteteve ku njerëzit duhet të futen në karantinë pasi të kthehen në vendin rezident.

Ky lajm është bërë i ditur nga Zyra Federale e Shëndetit Publik e cila ka përditësuar listën e vendeve me rrezik për koronavirusin ku disa prej vendeve si Britania e Madhe, Portugalia dhe Belgjika janë përfshirë në këtë listë ndërsa Kosova dhe San Marino është hequr.

Me ndryshimet e reja karantina është e detyrueshme për 59 shtete, regjione dhe bashkësi të shteteve nga 51 që ishin në 11 shtator.  Lista e re do të hyjë në fuqi të hënën, 28 shtator. Kushdo që hyn nga një prej vendeve të rrezikut duhet të jetë në karantinë për dhjetë ditë.

Lista

Përveç Portugalisë, Belgjikës dhe Britanisë së Madhe, Zyra Federale tani ka shtuar në listë Danimarkën, Irlandën, Islandën, Slloveninë, Hungarinë dhe Marokun. Nga vendet në Lindjen e Mesme, Omani përsëri konsiderohet një vend me rrezik. Lista përfshin gjithashtu zonat e Bretanjës në Francë, Ligurisë në Itali dhe shteteve federale të Austrisë së Epërme dhe Austrisë së Poshtme në Austri.

Karantina është aplikuar në Zvicër që nga fillimi i korrikut për njerëzit që vijnë nga një shtet ose një zonë në rrezik. Udhëtarët që kthehen nga këto rajone duhet të paraqiten pranë autoriteteve kantonale brenda dy ditësh. Këto të fundit kontrollojnë që karantina respektohet rastësisht.

Shpërndaje
Share.

Komento