Qeveria e Maqedonisë së Veriut do të mblidhet ditën e sotme në një seancë të jashtëzakonshme pas tragjedisë që ndodhi mbrëmjen e djeshme në Tetovë, ku një spital modular që trajtonte të sëmurë me covid, është shkrumbuar i tëri nga flakët.
Në orën 10:00 është caktuar mbledhja urgjente e qeverisë, në të cilën do të diskutohet për zjarrin në spitalin Covid në Tetovë.
Ky fakt u konfirmua dhe nga kryeministri Zoran Zaev, i cili në dalje nga godina e Komunës së Tetovës deklaroi se sot do të mbaj mbledhje Qeveria.
Kujtojmë se nga ngjarja e rëndë e ndodhyur mbrëmjen e djeshme kanë humbur jetën 14 persona shumë të tjerë kanë mbetur të plagosur dhe ndodhen në spital duke marrë trajtimet spitalore të specializuara që ata kanë nevojë.
Tragjedia në spitalin Covid të Tetovës ndodhi si pasojë e disa gabimve që janë bërë gjatë ndërtimit të ndërtesës së spitalit. Me furnizimin me ujë dhe rrymë elektrike ka qenë shumëmirë, por që atëhere është dhënë alarmi për gabimet të cilat konsideroheshin të vogla. Tashmë zjarri në spital është shuar dhe dyshohet se zjarri mund të ketë shkaktuar edhe më shumë viktima, në radhët e mjekëve dhe pacientëve. E në lidhje me këtë ngjarje Qeveria e Maqedonisë së Veriut do të mblidhet ditën e sotme për të shqyrtyuar ngjarjen e ndodhur.
