Një ngjarje e rëndë u regjistrua mëngjesin e sotëm në një pallat në zonën e Astirit, ku një pallat u përfshi nga flakët. Si pasojë humbi jetën 62-vjeçarja Hava Osmani, e cila u hodha nga lartësia për t’i shpëtuar zjarrit. Ndërkohë,në spital ndodhet djali i saj, 36-vjeçari Klodian Osmanaj, pasi gjithashtu u hodh nga lartësia.
Ndërkohë, fqinjët e tyre kanë folur pas ngjarje së rëndë dhe kanë treguar se 36-vjeçari ishte problematik e ndodhte që dilte në ballkon e gjuante me shishe uji apo sende të tjera, ndërsa kanë thënë se i janë drejtuar edhe policisë.
“Po po ishte problematik. Unë si administratore e pallatit e kam njoftuar 5-6 herë në telefon. Është bërë ai numri im i telefonit atje si 0900. Policia, shteti e ti këtë mirë, se janë të dokumentuara. Para një jave ka qenë policia këtu bashkë me ambulancën se nuk e morën dot. Ishte kthyer në shqetësim. Bërtiste, bënte sherr. Dilte në ballkon, gjuante me shishe uji, me ça të kishte. E kemi raportuar disa herë. Kam kontaktuar dhe me familjen e tyre, me ish-burrin e saj, dhe më thoshin; nuk kemi ça të bëjmë. Atëherë i jam drejtuar policies”, ka treguar administratorja e pallatit.
Ajo ka thënë se edhe banorë të tjerë janë lënduar dhe ndodhen në spital pasi kanë pësuar djegie dhe asfiksi. Më tej ajo ka treguar se policia dhe ambulance janë vonuar pasi banorët i kishin thirrur.
“Kam qenë në krahun matan. Por nuk mundeshin dot se shtëpia ishte mbuluar nga flakët. Banori që është sipër, në kat të katërt, nuk fliste dot se ishin asfiksuar nga tymi. Dhe ata të katit të katërt ndodhen në spital në gjendje të rëndë, Janë shtruar te Plastika. Kanë marrë djegie dhe asfiksi”, tha administratiorja.
