Prej katër ditësh, Los Angeles është përfshirë nga zjarre masive që kanë shkaktuar dëme të mëdha dhe viktima.
Autoritetet amerikane kanë arrestuar një të dyshuar për zjarrvënie, pasi një dëshmitar okular ka deklaruar se e pa atë duke tentuar të ndezte zjarr.
Aktualisht, i dyshuari ndodhet në paraburgim dhe hetimet po vijojnë, raporton CNN.
Sipas raportimeve zyrtare, deri tani janë konfirmuar 10 viktima dhe rreth 10 mijë banesa të shkatërruara nga flakët.
Zjarret kanë prekur edhe zona të banuara nga personalitete të njohura të Hollivudit, si Adam Sandler, Sharon Osbourne, Paris Hilton, Khloe Kardashian dhe të tjerë.
Autoritetet janë në gatishmëri të plotë për të menaxhuar situatën dhe për të parandaluar përhapjen e mëtejshme të flakëve.
