Një zjarr përfshiu mëngjesin e sotëm qendrën e azil-kërkuesve në Babrru.
Policia bën me dije se të gjithë personat e ndodhur brenda godinës janë evakuuar në kohë, duke shmangur dëmtime fizike.
Fatmirësisht, nga flakët pati vetëm dëme materiale, ndërsa shkaqet e zjarrit janë ende nën hetim.
Njoftimi:
Tiranë/Informacion paraprak
Më datë 16.01.2025, rreth orës 08:40, dyshohet se si pasojë e një shkëndije elektrike ka rënë zjarr në qendrën azil-kërkues në Babrru.
Shërbimet e Policisë kanë evakuuar në kohë personat brenda qendrës.
Falë ndërhyrjes së menjëhershme të shërbimit zjarrfikës u bë e mundur fikja e zjarrit. Si pasojë e zjarrit ka vetëm dëme materiale.
Grupi hetimor punon për përcaktimin e saktë të shkakut të rënies së zjarrit.
