Deputetja e PD-së, Ina Zhupa, në komisionin për Edukimin, u është drejtuar përfaqësuesve të mazhorancës, duke i akuzuar se po mbajnë peng parlamentin dhe komisionin.
Zhupa i kërkoi mazhorancës të reflektojë dhe t’i japë opozitës të drejtat dhe detyrimet që i takojnë sipas Kushtetutës, duke theksuar se nuk duhet të trajtohet si mik apo armik, por të respektohen parimet e barazisë dhe dialogut.
Ju po mbani peng parlamentin dhe komisionin. Po kërkoja nga vazhdimi të reflektoni dhe mos ta shikoni opozitën si armike dhe as si mike por thjesht t’i jepni të drejtat dhe detyrat që i ka dhënë Kushtetuta”, tha Zhupa.
