Zbulohet rrjeti shqiptar i drogës, “koka” e grupit kamuflohej me punë në ndërtim

Google+ Pinterest LinkedIn Tumblr +

Guardia di finanza e Veronës ka arrestuar një shqiptar, në kuadër të luftës kundër trafikut të lëndëve narkotike.

Në pranga ka rënë 38-vjeçari me iniciale M.E.

Ai kuzohet për shpërndarjen e një numri të madh dozash me kokainë, shkruan “Vvox”.

Në shtëpinë e shqiptarit, u sekustruan 30 gramë kokainë, ndërsa në banesat e personave të tjerë të grupit, u gjetën doza të ndryshme hashashi, kokaine dhe marijuane.

Pjesë e rrjetit ishte edhe një shqiptar tjetër banues në Verona, të cilit iu sekuestruan 40 gramë hashash.

Grupi u zbulua pas përgjimeve telefonike, të kryera në kuadër të hetimit.

Ndërkohë hetuesit zbuluan gjithashtu se 38-vjeçari punonte në ndërtim, ndërsa porositë e klientëve i merrte nëpërmjet telefonit.

Në pjesën më të madhe të rasteve, takimet e lëna ishin për të pirë një birrë, për të ngrënë diçka, ose për të shkëmbyer ndonjë dhuratë në periudhë festash.

Në total agjentët sekuestruan 150 gramë lëndë narkotike të llojit kokainë, hashash dhe marijuanë.

Shpërndaje
Share.

Komento