Në kuadër të një hetimi gjyqësor, policia belge ka arrestuar 6 shqiptarë të dyshuar për përfshirje në një organizatë kriminale që merrej me importimin dhe tregtimin e lëndëve narkotike përmes portit të Antwerp.
Hetimi filloi në vitin 2023, kur autoritetet zbuluan informacione për një grup që planifikonte të importonte kokainë nëpërmjet një ndërtesë në rrugën Somersstraat të Antwerpen.
Gjatë kontrollit, Policia Gjyqësore Federale (FGP) Antwerpen zbuloi një “lavanderi kokaine” brenda ndërtesës, ku kokaina përpunohej, rishtypej dhe paketohej për t’u shpërndarë në vende të ndryshme të Evropës.
Operacioni konsiderohet një goditje e rëndësishme kundër trafikut të drogës në rajon, ndërsa hetimet vazhdojnë për të zbuluar më shumë detaje mbi aktivitetin e grupit.
Zëdhënësi i prokurorisë publike të Antwerpen, Kristof Aerts: “Me udhëzimin e gjyqtarit hetues, janë kryer 5 kontrolle në Antëerp, Berchem dhe Borgerhout. Gjatë kontrollit në Somersstraat, pranë Stacionit Qendror, u gjetën kimikate, një presë, logo dhe material paketimi. Gjashtë burra të moshave 22 deri në 57 vjeç u sollën para gjykatësit hetues pas marrjes në pyetje. Të gjashtë u arrestuan dhe u dërguan në burg.”
Të dyshuarit do të dalin para gjykatës të martën.
