Gjykata Kundër Korrupsionit dhe Krimit të Organizuar (GJKKO), ka pranuar gjykimin e shkurtuar për Gentjan Durakun.
Bazuar në ligj, Duraku do të përfitojë uljen me 1/3 e dënimit.
Dyshohet se 29-vjeçari është pjesë e grupit kriminal që kanë kryer më shumë se 51 vjedhje në Gjermani.
Grupi e kryente aktivitetin nga e hëna në të shtunë, ndërsa të dielën e bënin pushim.
Në mesin e 40 anëtarëve të grupit kishte edhe jo profesionistë, të cilët nuk kanë arritur të vjedhin asgjë, por kanë shkaktuar vetëm dëme.
Aktualisht në Gjermani janë dënuar dy persona pjesë e grupit, të cilët janë identifikuar si Elis Dapaj dhe Mihal Xhaferraj.
