Një ngjarje e rëndë ka ndodhur në fshatin Bushat të Shkodrës. Një 70-vjeçar është vetëplagosur me armë zjarri, pasi po e pastronte në oborrin e shtëpisë.
Në fillim, u raportua se dikush kishte qëlluar ndaj të moshuarit, por në njoftimin e policisë thuhet se i moshuari është vetëplagosur pa dashje.
Shtetasi P. D është transportuar në spitalin e Shkodrës dhe fatmirësisht është jashtë rrezikut për jetën. Ngjarja ka ndodhur mesditën e sotme rreth orës 13:10, në oborrin e shtëpisë së të moshuarit.
Policia ka sekuestruar edhe armën tip “kallashnikov”, të cilën 70-vjeçari ka qenë duke e pastruar kur ndodhi ngjarja.
Policia po vijon punën nën drejtimin e Prokurorit për sqarimin e plotë të rrethanave të ngjarjes.
