Ambasadorja e Shteteve të Bashkuara të Amerikës, Yuri Kim këtë fundjavë ka ngjitur malin më të lartë, Korabin. Me anë të një postimi në rrjetet sociale ku dhe ka publikuar foto nga ngjitja në malin e Korabit, Yuri Kim ka edhe një mesazh për të gjithë.
Ajo shkruan se nuk ishte as më e shpejta dhe as më e forta, por se ka qenë e fokusuar për të arritur qëllimin e saj. Ndër të tjera Kim ka shkruar se ndërsa verës po i vjen fundi: unë jam duke reflektuar mbi sfidat dhe mundësitë e ardhshme.
Kim thotë ndër të tjera se hap pas hapi ne mund ta arrijmë qëllimin tonë së bashku.
“Njëra këmbë para tjetrës, hap pas hapi, ne mund ta arrijmë qëllimin tonë së bashku” shkruan Kim, duke lënë në nënkuptoj se SHBA do të jetë në krah të Shqipërisë për të arritur qëllimet hap pas hapi.
“Nuk e di nëse është sepse rrënjët e familjes sime janë në male, por unë gjithmonë gjej forcë dhe frymëzim sa herë që jam në malësitë shqiptare. Unë mendoj se malësorët janë të njëjtë pavarësisht vendit.
Ndërsa verës po i vjen fundi, unë jam duke reflektuar mbi sfidat dhe mundësitë e ardhshme. Vendosa të përgatitem për sezonin e ri duke u ngjitur në majën e majës më të lartë të Shqipërisë, malin Korabi. 2,764 metra e lartë!
Unë nuk isha më e shpejta as më e forta, dhe u desh më shumë se sa kishim planifikuar, por ne qëndruam dhe arritëm në majë. Më kujtoi rëndësinë e mbajtjes së fokusit në qëllimin tuaj, të qenit i rrethuar nga miq që ju inkurajojnë dhe qëndrojnë me ju deri në fund, dhe kurrë mos hiqni dorë. Njëra këmbë para tjetrës, hap pas hapi, ne mund ta arrijmë qëllimin tonë së bashku,” shkruan Kim në postimin e saj.
