Mbrëmjen e djeshme presidenti i Kosovës, Hashim Thaçi, nëpërmjet një postimi në TWitter, bëri me dije se Xhamajka ka njohur Kosovën.
Ai falenderoi më tej kongresmenin Elliot Engel, për lobimin e bërë gjatë gjithë këtyre viteve dhe ambasadoren Vlora Çitaku.
Great news! I just got notified from our Ambassador @vloracitaku that #Jamaica has recognized Republic of #Kosovo as sovereign and independent. I know this is a result of hard work & lobbying of several years, incl @RepEliotEngel. Good work. Thank you dear friends from Kingston! pic.twitter.com/17KPSXdrvL
— Hashim Thaçi (@HashimThaciRKS) February 20, 2020
Gëzimi i Thaçit është zbehur shumë shpejt, pasi ministrja e Jashtme e Xhamajkës, Kamina Johnson-Smith, njofton se vendi i saj nuk e ka njohur Kosovën.
To date, Jamaica has not recognized Kosovo as an independent state. https://t.co/HLNtJaOWLh
— Hon. Kamina J Smith (@kaminajsmith) February 21, 2020
Menjëherë pas përgënjeshtrimit, kanë ardhur reagime të ashpra nga politikanët kosovarë.
Deputetja e Lëvizjes Vetëvendosje Fitore Pacolli ka kërkuar shkarkimin e Çitakut, nëse lajmi është i pavërtetë.
Postimi i plotë
Siç po duket shumë shpejt aksioni për pastrimin e Shërbimit të Jashtëm do të prek edhe Ambasadorë.
Nëse informatën e pavërtetë për njohje ka dhënë Ambasadorja Çitaku ajo duhet të mbahet përgjegjëse e duhet menjëherë të jap llogari. Kosovës tani i duhen Ambasadorë kompetent, profesional, të përgjegjshëm e në shërbim për të mirën e shtetit. Nuk kemi nevojë për Ambasadorë që shpërndajnë informata të pavërteta.
Nëse vërtetë lajmi për njohje nga Xhamajka është i pavërtetë, Ambasadorja Çitaku duhet të shkarkohet menjëherë dhe t’i kërkohet llogari.
