Kompania ajrore “Wizz Air” duket se nuk do t’ja dijë për denoncimet e qytetarëve sa i takon shërbimeve skandaloze dhe po vazhdon me programin e saj.
Institucionet përgjegjëse edhe këtë herë zgjodhën si opsionin më të mire, t’i bëjnë hije skandalit që ka përfshirë këtë kompani, duke lançuar linjën direkte të fluturimeve nga Tirana në Salerno.
Mes gjithë problemeve të qytetarëve, kompanisë i bëhet propaganda me linja direkte fluturimi, ndërkohë që skandali ka bërë bujë edhe më të madhe.
Çdo gjë është e faktuar nga dhjetëra denoncime që qytetarët kanë bërë me foto e pamje nga aeroporti ku janë detyruar të presin me orë të tëra, pa asnjë arsyetim nga punonjësit e kësaj kompanie për vonesat e pajustifikueshme.
Ndonëse denoncimet vijojnë, agjensia nuk ka asnjë plan për t’u përmirësuar përkundrazi vazhdon të jetë aktive me po të njëjtën metodë të shërbimit, duke u kthyer në makth për pasagjerët.
Disa nga problemet me të cilët ata hasen janë: Vonesat me mbi 6-7 orë ose më shumë, anulimet e fluturimeve në moment të fundit pa asnjë lloj arsyetimi, numri i kufizuar i avionëve, ku për pasojë krijohet kaos me fluks të madh pasagjerësh.
E megjithëse, tashmë çdo gjë është bërë publike nga qytetarët të cilët shpresojnë se do të ketë një zgjidhje, shumica e mediave po e trajtojnë këtë çështje sikur çdo gjë të ishte në rregull.
Ndonëse fotot e pamjet qarkullojnë kudo, ka media të cilat në vend të raportimit zgjedhin rrugën jo transparente duke “u blerë” nga këto kompani për t’i bërë reklamë e për t’i përmirësuar imazhin pas skandalit që ka plasur “sheshit”.
View this post on Instagram
Ngrihen shumë pikëpyetje mbi faktin se pse ende kjo kompani vazhdon të jetë aktive pas gjithë denoncimeve që janë bërë? Mos ndoshta edhe “Wizz Air” është kapur nga ndonjë oligark i zakonshëm, që s’do t’ja dijë për hallet e qytetarëve? Kjo linjë duhet të ndërpresë urgjentisht aktivitetin./ Gazeta Reforma
