Një ngjarje e rëndë tronditi të gjithë shoqërinë shqiptare me 26 shkurt, ku në qytetin e Durrësit, Ruzhdi Tosuni, 63 vjeç qëlloi disa herë me levë hekuri në kokë bashkëshorten e tij, 59-vjeçaren, Hajdie Tosuni, duke lënë këtë të fundit të vdekur.
Ngjarja ka ndodhur brenda një dyqani metrazhesh, biznes në pronësi të çiftit, ku pasi e ka goditur me levë, e ka qëlluar edhe me gërshërë.
Pas krimit, Tosuni ka mbyllur qepenin e dyqanit ku punonin bashkë dhe ka shkuar për të blerë cigare dhe më pas ka hyrë në farmacinë pranë biznesit të tyre duke i thënë të pranishmëve që kishte vrarë gruan.
Autori është ulur në hyrje të biznesit duke pirë cigare, ndërkohë që policia vinte në vendin e ngjarjes.
Shkak i ngjarjes së rëndë mendohet të jetë bërë një konflikt i çastit, teksa njerëzit e afërt kanë treguar se ata kanë patur një marrëdhënie të mirë.
Sot është zhvilluar seanca për Tosunin, ku Gjykata e Durrësit dha masën e sigurisë “arrest në burg”.
Kjo ngjarje e rëndë ndodhi pasi në Rrëshen një natë me parë Fatmir Kolecaj vrau me armë zjarri ish-gruan, Esmeralda Filopati 36 vjeçe, nënë e tre fëmijëve dhe vëllanë e saj Vledison Filopati 34 vjeç.
Zbardhen identitetet e dy viktimave në Rrëshen: Autori i dyshuar, ish-bashkëshorti i të ekzekutuarës
