Vrau babanë me sëpatë, zbardhet dëshmia e 35-vjeçarit: Më kërkoi që ta lija të qetë atë vajzën

Google+ Pinterest LinkedIn Tumblr +

Një ngjarje e rëndë u regjistrua ditën e djeshme në fshatin Shalës të Memaliajt.

Arjan Shahaj, 35 vjeç, qëlloi me sëpatë në kokë babanë e tij, Iljaz Shahaj, 77 vjeç, duke e lënë të vdekur.

Në dëshminë e tij përpara hetuesve, autori tha se e kishte qëlluar të atin për ta trembur dhe jo për ta vrarë, shkruan “Tirana post”.

“Konflikti ishte momental, jo i paramenduar. Po përgatisnim dushkun për t’ua dhënë kopesë së dhive që e kishin mbledhur në pyll. Babai më kërkoi që të lija të qetë atë vajzën (me iniciale B.C.), se i ishin ankuar njerëzit e saj”, mendohet të ketë thënë 35-vjeçari.

Mësohet se 35-vjeçari e kishte paralajmëruar babanë, që ta mbyllte këtë bisedë, por 77-vjeçari e rihapi edhe njëherë.

Në këtë moment Arjan Shahaj merr sopatën dhe e godet për vdekje.

Menjëherë pas krimit, 35-vjeçari shkon në shtëpi dhe i kërkon lekë kunatës, për të shkuar te e motra në Tiranë.

Kunata nuk kishte të holla dhe më pas i riu kishte marrë 2000 lekë nga dhoma e prindërve, ndërsa më pas ai u arrestua te furgonat e Fierit.

Autori nuk shprehu pendesë gjatë dëshmisë së tij, ndërsa rrëfeu se ishte shtruar për trajtim dy herë, te spitali Nr.5 në Tiranë.

Gjithashtu 35-vjeçari ka bërë 7 vite burg për tentativë vrasje ndaj shokut të tij.

Shpërndaje
Share.

Komento