Vrasjet e fundit në Elbasan, ndryshime në sektorin e hetimit të vrasjeve

Google+ Pinterest LinkedIn Tumblr +

Atentatet e fundit në qytetin e Elbasanit kanë bërë që të ketë lëvizje dhe ndryshime në polici, konkretisht në sektorin e hetimit të vrasjeve. Për të fituar terren ndaj krimit, në Policinë e Elbasanit ka pasur rotacion të disa drejtuesve dhe oficerëve të sektorit të vrasjeve në këtë qark.

Mësohet se nga Elbasani është larguar Leonard Palushi, shefi i sektorit të hetimit të krimeve kundër jetës për t’u transferuar në Drejtorinë e Policisë Qarkut Lezhë. Ndërkohë në sektorin e vrasjeve në Elbasan, ende nuk është përcaktuar emri që do drejtojë këtë sektor të rëndësishëm.

Përveç Palushit, sektorit të krimeve i është bashkuar Erion Ismaili, i cili ka mbajtur postin e shefit të komisariatit në Krujë.Ndryshimet kanë prekur dhe emra të tjerë të Drejtorisë së Policisë së Elbasanit.
Ngjarjet më të fundit në Elbasan kanë të bëjnë me vrasjen e Emiliano Ramazanit dhe Regis Runajt, porositësi i të cilave ishte Erion Alibej, i dyshuar dhe si porositësi i vrasjes së Bujar Çelës, vëllait të Tao Çelës i cili u vra në një lokal te rrethrrotullimi i Bradasheshit.
Shpërndaje
Share.

Komento